Mey Makronni g‘alaba bilan tabrikladi va Brexit’ni muhokama qildi

Foto: Reuters

Buyuk Britaniya bosh vaziri Tereza Mey telefon orqali "Olg‘a" harakati yetakchisi Emmanyuel Makronni Fransiya prezidenti saylovlaridagi g‘alaba bilan tabrikladi va u bilan Brexit’ni qisqagina muhokama qildi. Bu haqda Mey matbuot xizmati ma'lum qildi.

"Bosh vazir yangi prezident bilan bir qator masalalar bo‘yicha ishlash imkoniyatini sabrsizlik bilan kutayotganini hamda Buyuk Britaniya va Fransiya o‘rtasidagi noyob sheriklik kelgusi hamkorlik uchun mustahkam asos hisoblanishini aytdi", deb aytildi Dauning-stritda.

Ma'lumotlarga ko‘ra, Mey Buyuk Britaniya Yevropa Ittifoqidan chiqqach, uning "xavfsiz va farovon Yevropa Ittifoqi" bilan yaqin hamkorlik aloqalarini o‘rnatish istagidaligini aytgan.

Ikki davlat yetakchisi NATO sammiti va "Katta yettilik" maydonlarida uchrashib, muzokaralar o‘tkazishlari mumkinligi kutilmoqda.

Tayyorlagan Шуҳрат Раҳимов

#Brexit #Tereza Mey #Emmanyuel Makron

11 nafar nomzod Yelisey saroyi uchun kurash olib bormoqda. Fransiya konstitutsiyasiga muvofiq, birinchi turdan so‘ng ikki nomzod qoladi. Ular saylovning yakuniy bosqichida ishtirok etadi. Ikkinchi tur 7 may kuni bo‘lib o‘tadi.