Amazon mahsulotni dron yordamida yetkazib berishning yangi usulini topdi
Amazon tovarlarni dronlar yordamida yetkazib berishni samarali tashkil etish borasida anchadan beri izlanmoqda. Gap shundaki, dronlarni buyurtmachilar eshiklari oldida doimiy ravishda qo‘ndirish juda ham samarali emas, shu sababdan kompaniya mutaxassislari uchuvchisiz qurilmalar orqali yetkazib berilgan mahsulotlarni tez va xavfsiz yetkazib berishning ehtimoliy variantlarini qidirish bilan mashg‘ullar. Amazon tomonidan ro‘yxatdan o‘tkazilgan so‘nggi patentlardan biri – parashyutga aylanuvchi etiketkalardir.
Patent hujjatlarida ixtiro haqida batafsil ma'lumot berilgan: posilkaning ustiga maxsus yorliq yopishtiriladi, unga barcha kerakli ma'lumotni ham yozib qo‘yish, shuningdek. shtrix kodlar va QR-belgilarni yopishtirish mumkin. Tovarni drondan tashlash chog‘ida yopishtirilgan etiketka ochilib, parashyutga aylanadi, hamda u yukni xavfsiz qo‘nishiga xizmat qiladi.
Parashyut arqonlari va parashyutning o‘zi yopishtirilgan etiketka ustida bo‘ladi, shuning uchun eng asosiysi – hammasini to‘g‘ri joylashtirish va ishlab chiqarish paytida yopishtirishdir. Katta yuklarni qo‘ndirishda bunday parashyutlardan bir nechtasini ishlatish mumkin, qo‘nishning oson kechishi uchun esa quti ichidagi maxsus amortizatorlardan foydalaniladi.
Amazon’da yuklarni dronlar yordamida yetkazib berishda parashyutlardan foydalanish haqidagi qaror qishda qabul qilingan, biroq o‘shanda faqatgina konsepsiya, chizmalar yaratilgandi.
Mavzuga oid
12:50 / 18.10.2024
Nemis harbiy kemasi Livan qirg‘oqlari yaqinida dronni urib tushirdi
13:30 / 14.10.2024
O‘ndan ortiq dron Rossiyaning uch mintaqasiga hujum qildi
21:50 / 04.10.2024
Lukashenko: prezident vertolyotiga hujum urushga olib keladi
07:50 / 20.09.2024