O‘zbekiston terma jamoasi Qirg‘izistonga qarshi o‘ynaydi

O‘zbekiston terma jamoasi futbolchilari Qirg‘izistonga qarshi o‘rtoqlik o‘yinida maydonga tushadi. 

«O‘zbekiston 24» telekanalida xabar berilishicha, ushbu uchrashuv 25 avgust kuni Toshkentda o‘tkaziladi.

Eslatib o‘tamiz, O‘zbekiston terma jamoasini JCh-2018 saralash bosqichi doirasida ikkita o‘yin kutib turibdi. Samvel Babayan qo‘li ostidagi jamoa jahon chempionati saralash bosqichi doirasida 31 avgust kuni Uxan shahrida Xitoy, 5 sentabr kuni esa Toshkentda Janubiy Koreyaga qarshi o‘ynaydi.

Ayni paytda O‘zbekiston saralashda 8 o‘yindan keyin 12 ochko to‘plab, uchinchi o‘rinda bormoqda.

Katta ehtimol bilan Qirg‘izistonga qarshi o‘yinda mahalliy futbolchilar tushiriladi. FIFA kunlari bo‘lmagan sanalarda legionerlar terma jamoaga chaqirilmaydi.