Rossiya va Saudiya Arabistoni OPeK bilan kelishuvni uzaytirmoqchi

Rossiya va Saudiya Arabistoni neft qazib olishni qisqartirish bo‘yicha kelishuvni uzaytirish tarafdori. Bu haqda The Wall Street Journal manbalarga asosan xabar bermoqda.

Aniqlik kiritilishicha, mamlakatlar kelishuvni yana uch oyga – keyingi yilning iyuniga qadar uzaytirish niyatida.

Nashrning xabar berishicha, bu mavzu Rossiya va Saudiya Arabistoni energetika vazirlari Aleksandr Novak hamda Halid al-Folixning Sankt-Peterburgda iyul oyida bo‘lib o‘tgan uchrashuvida muhokama qilingan.

Avvalroq OPeK+ davlatlari neft bo‘yicha kelishuvni 94 foizga bajargani xabar qilingandi.