Avstraliya Filippinga IShID bilan kurashda harbiy yordam ko‘rsatmoqchi
Avstraliya Filippinga harbiy yordam ko‘rsatishga tayyor. Bu haqda mamlakat TIV rahbari Juli Bishop jurnalistlar bilan muloqoti davomida ma'lum qildi.
Shu bilan birga, uning ta'kidlashicha, Avstraliya qurolli mojaroda to‘g‘ridan-to‘g‘ri ishtirok etmaydi.
«Gap jangovar harakatlarda ishtirok etish haqida emas, balki maslahatlar, harbiylarni tayyorlashda yordam ko‘rsatish borasida ketmoqda», - deya vazirning so‘zlarini keltiradi TASS.
Shuningdek, uning xabar berishicha, Filippin tomoni qanday qo‘llab-quvvatlovga ehtiyoj sezayotgani borasida javob qaytarmagan.
«Biroq biz Janubiy Filippinda «IShID» tayanch nuqtasining paydo bo‘lishiga yo‘l qo‘ymasligimiz kerak», - deya qo‘shimcha qilib o‘tdi Bishop.
Avvalroq Pentagon Filippinda IShIDga qarshi amaliyot rejalashtirayotgani xabar berilgandi.
Mavzuga oid
21:02 / 22.10.2024
Avstraliyada tushib ketgan telefonini olishga uringan ayol 7 soat tosh orasida qolib ketdi
12:00 / 21.10.2024
GFRda IShID tarafdori Isroil elchixonasiga hujum uyushtirishni rejalashtirgan
20:59 / 13.10.2024
Charlz III Avstraliyaning respublikaga aylanishiga qarshi emasligini bildirdi
15:11 / 05.10.2024