Rafael Nadal Pekindagi musobaqa g‘olibi bo‘ldi

Ispaniyalik tennischi Rafael Nadal Pekinda o‘tgan tennis musobaqasida g‘olib bo‘ldi.

Final uchrashuvida "tuproqli kortlar qiroli" avstraliyalik Nik Kirosni 6:2, 6:1 hisobida mag‘lub etdi. Tennischilar kortda 1 soat-u 33 daqiqa o‘tkazishdi.

Shu musobaqaning ayollar o‘rtasidagi bahslari finalida fransiyalik Karolin Garsiya ruminiyalik Simona Xalepni mag‘lub etdi.

Darvoqe, ayni vaqtda 1-raqamli tennischi sharafiga Ispaniyaning Valyadolid ko‘chalaridan biri uning ismi bilan nomlanadigan bo‘ldi. "Katta dubulg‘a" musobaqalarining 16 karra chempioni nomi Valyadolid universitetining sobiq rektori Luis Suares Fernandes nomidagi ko‘chaga beriladigan bo‘ldi.