«Mahalla posboni» rahbarlari Ichki ishlar organlari kadrlar zaxirasiga kiritiladi

Vazirlar Mahkamasining 7.10.2017 yildagi 805-son qarori bilan Fuqarolar yig‘inining «Mahalla posboni» jamoatchilik tuzilmasi to‘g‘risida nizomga o‘zgartirishlar va qo‘shimchalar kiritildi. Bu haqda Norma.uz xabar bermoqda.

Tuzatishlarga binoan jamoatchilik tuzilmasi rahbari fuqarolar yig‘ini raisi va profilaktika inspektorining tavsiyasiga ko‘ra IIO kadrlar zaxirasiga kiritiladi.

Buning uchun  uning yoshi  30 dan oshmagan bo‘lishi, sog‘lig‘ining holati  va  jismoniy tayyorgarligi  bo‘yicha IIO xodimlarining xizmat majburiyatlarini bajarishga qodir bo‘lishi, muddatli harbiy xizmatni yoki SChZda xizmatni yoxud oliy ta'lim muassasasida harbiy tayyorgarlikni o‘tagan bo‘lishi, shuningdek jamoatchilik tuzilmasida kamida bir yil ishlagan bo‘lishi kerak.  

Hujjat 10.10.2017 yildan kuchga kirdi.