Dmitriy Medvedev Toshkentga kelmoqda. U prezident qabulida bo‘ladi

2017 yil 2-3 noyabr kunlari Rossiya Federatsiyasi Hukumati raisi Dmitriy Medvedev boshchiligidagi delegatsiya rasmiy tashrif bilan O‘zbekistonda bo‘ladi. 

O‘zA xabariga ko‘ra, O‘zbekiston Prezidenti Shavkat Mirziyoyev Rossiya delegatsiyasini qabul qiladi. 

Tashrif doirasida ko‘p qirrali o‘zaro munosabatlarni yanada rivojlantirish, ularni aniq mazmun bilan boyitishning istiqbolli yo‘nalishlarini muhokama qilish uchun hukumatlararo muzokaralar o‘tkazilishi rejalashtirilgan. 

Dmitriy Medvedev, shuningdek, Toshkent shahrida bo‘lib o‘tadigan Mustaqil Davlatlar Hamdo‘stligi Hukumat rahbarlari kengashining majlisida ishtirok etadi.