Dubayda yangi seriyadagi avtomobil raqamlari sotuvga qo‘yildi

9 dekabrda Dubaydagi auksionda yangi “AA” kodli avtomobil raqamlarining birinchi partiyasi sotildi. Ushbu partiyadan 10 ta raqam 12,3 mln dirhamga (3,4 mln dollar) sotildi. 

Yo‘llar va transport boshqarmasi tomonidan o‘tkazilgan joriy yildagi oxirgi ochiq auksion yangi dizaynga ega raqamlar ishlab chiqarilishi boshlanishini anglatadi.  

Eng qimmat sotilgan raqam AA10 bo‘ldi, u 3,12 mln dirhamga (844 ming dollar) sotib olindi.

Ushbu 10 ta raqam keyingi 12 oy uchun “AA” seriyasidagi yagona avtomobil raqamlari bo‘ladi.

AA10 raqamini dubaylik tadbirkor Majid Mustafo xarid qilgan. AA12 va AA50 raqamlari mos ravishda 2,72 mln dirham (740 ming dollar) va 1,84 mln dirhamga (500 ming dollar) o‘z egalarini topib ketgan.