“Rossiyalik olimpiyachilar”. Rossiyalik sportchilar kiyimida shunday yozuv bo‘ladi

Xalqaro Olimpiya qo‘mitasi 2018 yilgi qishki Olimpiadada ishtirok etuvchi rossiyalik sportchilarning kiyimi to‘g‘ri kelishi kerak bo‘lgan mezonlarni tasdiqladi. Neytral bayroq ostida ishtirok etishga rozi bo‘ladigan rossiyalik sportchilar kiyimida “Olympic Athlete from Russia” – “Rossiyalik olimpiyachilar” deb yozilgan bo‘ladi. XOQ, shuningdek, rossiyaliklar kiyimida aks etadigan ehtimoliy logotipni ham taqdim qildi.

5 dekabrda XOQ 2018 yilgi Olimpiadaga dopingga aralashmagan rossiyalik sportchilarni neytral bayroq ostida qo‘yish qarorini qabul qilgandi. 

20 dekabrda Xalqaro Paralimpiya qo‘mitasi 2016 yil avgustda diskvalifikatsiya qilingan Rossiya Paralimpiya qo‘mitasi a'zoligini tiklashni rad etdi.