Afg‘onistonda «Tolibon»ning 20 dan ortiq jangarisi yo‘q qilindi

Afg‘oniston janubidagi Hilmond viloyatida «Tolibon» radikal harakatining 20 dan ortiq jangarisi yo‘q qilindi. Bu haqda «Sinxua» viloyat ma'muriyati rasmiy vakili Umar Zvakka tayangan holda xabar bermoqda.

Vakilning so‘zlariga ko‘ra, 31 dekabr kuni Gereshk va Marja tumanlaridagi so‘nggi amaliyotlar hamda aviazarbalar natijasida 21 jangari o‘ldirildi, yana to‘rt nafari jabrlandi.

Ta'kidlanishicha, yo‘q qilinganlar orasida «Tolibon» radikal harakatining uch nafar mahalliy qo‘mondoni ham bo‘lgan.