NATO bosh kotibi: Rossiyaning o‘ziga ishonchi kuchaymoqda

NATO bosh kotibi Yyens Stoltenbergning ma'lum qilishicha, Rossiyaning o‘ziga ishonchi kuchayib bormoqda. Bu haqda u Deutsche Wirtschafts Nachrichten’ga bergan intervyusida ma'lum qildi, deb xabar bermoqda RIA «Novosti».

«Biz shuni e'tiborga olishimiz kerakki, o‘z kuchiga ishonchi kuchayib borayotgan Rossiya bilan ish ko‘rmoqdamiz. Shu bilan birga, «sovuq urush» va qurollanish poygasi takrorlanishini xohlamaymiz, balki Moskva bilan siyosiy muloqot tarafdorimiz. Bu esa unchalik ham oddiy narsa emas», - deya ma'lum qildi Stoltenberg.

Shuningdek NATO bosh kotibining umid bildirishicha, Rossiya va alyans o‘zaro munosabatlarni kuchaytiradi hamda harbiy kanallar bo‘yicha aloqalarini faollashtiradi.