GM Uzbekistan yengil avtomobillari uchun aksiz solig‘i pasaytirildi

O‘zbekistonda GM Uzbekistan AJ yengil avtomobillari uchun aksiz solig‘i 5,4 barobarga kamaydi.

O‘zbekiston Respublikasi Prezidenti Shavkat Mirziyoyev 2017 yil 29 dekabrda «O‘zbekiston Respublikasining 2018 yilgi asosiy makroiqtisodiy ko‘rsatkichlari prognozi va Davlat byudjyeti parametrlari to‘g‘risida»gi qarorni imzoladi.

Prezident qaroriga ko‘ra, GM Uzbekistan AJ yengil avtomobillari uchun aksiz solig‘i stavkasi 2018 yilda 5 foizni tashkil etadi.

2017 yilning boshida GM Uzbekistan AJ yengil avtomobillari uchun aksiz solig‘i stavkasi 29 foizni tashkil etgandi. 2017 yilning yozida aksiz solig‘i 2 foiz punktiga kamaytirilib, 27 foizga tushirildi.