Nazarboyev va Putin Sochidagi Suriya bo‘yicha «milliy muloqot»ni muhokama qildi

Rossiya prezidenti Vladimir Putin Qozog‘iston rahbari Nursulton Nazarboyev bilan telefon orqali muloqotda Sochida o‘tkazilgan Suriyadagi milliy muloqot kongressini muhokama qildi. Bu haqda Kreml saytida xabar berilgan.

«Ta'kidlandiki, Kongress davomida qabul qilingan qarorlarning amalga oshirilishi Suriyadagi vaziyatga BMT shafeligi ostida siyosiy yechim topish jarayoniga katta hissa bo‘lib qo‘shiladi. Shu nuqtai nazardan, Ostona shaklida ishni davom ettirish zarurati borligi qayd etib o‘tildi», - deyiladi xabarda.

Shuningdek, prezidentlar ikki tomonlama hamkorlikning dolzarb masalalari, jumladan, axborot texnologiyalari sohasidagi hamkorlikni muhokama qilishgan.