Uch mashhur darvozabon JCh-2018 rasmiy to‘pidan norozi bo‘ldi
2018 yilgi jahon chempionatining rasmiy to‘pi darvozabonlarni unchalik xursand qilmadi.
AS xabariga ko‘ra, David De Xea, Mark-Andre ter Shtegen va Pepe Reyna to‘pdan shikoyat qilishdi.
«Darvozabonlarda bu to‘p bilan ko‘p muammolar bo‘ladi. U haqiqatanam juda g‘alati. To‘pni yaxshiroq ishlab chiqarish kerak edi», — deya de Xeaning so‘zlarini keltirgan AS.
«To‘p juda g‘alati ekan, u kutilmagan yo‘nalish olarkan. Bahs boylashim mumkin, mundialda 35ta g‘alati gol ko‘rishimiz mumkin bo‘ladi. U yupqa plastik qoplam bilan o‘ralgan, natijada qo‘lga ilinishi juda murakkab. Endi unga ko‘nikib olishga majburmiz. Balki, musobaqa boshlangunga qadar uni o‘zgartirish kerakdir?» - degan Reyna.
«To‘pni yaxshiroq tayyorlash ham mumkin edi. Lekin jahon chempionati boshlangunga qadar unga o‘rganib olishimiz kerak. Bizda boshqa tanlov yo‘q», deya qayd etgan ter Shtegen.
Mavzuga oid
20:10 / 02.10.2024
O‘zbekistonlik xokkeychilar ilk marotaba jahon chempionatida ishtirok etadi
15:23 / 04.12.2023
Toshkent og‘ir atletika bo‘yicha yoshlar o‘rtasidagi jahon chempionatiga mezbonlik qiladi
20:22 / 26.11.2023
O‘ziga 100 mln, murabbiyiga 50 mln. Shaxmat bo‘yicha jahon chempioni Afruza Hamdamova tantanali kutib olindi
15:34 / 22.11.2023