Fransiya: Rossiya samolyotlari harbiy kemalarimizga 8 marta yaqinlashdi

Fransiya harbiy-dengiz kuchlari shtabi rahbari admiral Kristof Prazyukning ma'lum qilishicha, so‘nggi sakkiz oyda Rossiya samolyotlari Fransiya harbiy kemalariga sakkiz marta yaqinlashdi. Bu haqda RIA «Novosti» xabar bermoqda.

«So‘nggi sakkiz oy davomida shunday turdagi harakat sakkiz marta amalga oshirildi», - deya aytib o‘tdi Prazyuk.

Uning so‘zlariga ko‘ra, gap Suriya qirg‘oqlari yaqinida to‘xtab turgan Fransiya fregati haqida ketmoqda.

Eslatib o‘tamiz, avvalroq Fransiya TIV rahbari Jan-Iv Le Drian Suriya AQSh, Buyuk Britaniya hamda Fransiyaning zarbalaridan so‘ng kimyoviy qurolni ishlab chiqara olmaydigan holatga kelgani haqida ma'lum qilgandi.