Afg‘onistonda yana portlash, 11 o‘quvchi halok bo‘ldi

Afg‘oniston janubidagi Qandahor viloyatida xudkush terrorchi tomonidan portlovchi qurilma harakatga keltirildi, madrasada tahsil oluvchi 11 kishi halok bo‘ldi. Bu haqda TOLOnews telekanali mahalliy ma'muriyatga asosan xabar qilmoqda.

Portlash xorijiy qurolli kuchlar konvoyi yonida yuz berdi. Pajvak agentligi ma'lumotlariga ko‘ra, portlash ruminiyalik harbiylar konvoyiga qarshi qaratilgan bo‘lgan, ular mamlakatda NATO missiyasi doirasida bo‘lib turibdi. Uning ma'lumotlariga ko‘ra, hodisa oqibatida olti harbiy xizmatchi jarohat oldi.

Hozircha mintaqada harakat qilayotgan hech bir guruh portlash uchun mas'uliyatni o‘z zimmasiga olmadi.