Pokistonda ko‘mir koni o‘pirilishi oqibatida 18 kishi halok bo‘ldi 

Pokistonning Kvetta shahri yaqinidagi ko‘mir konining o‘pirilishi oqibatida kamida 18 konchi halok bo‘ldi. Bu haqda Express Tribune nashri xabar berdi. 

Daily Pakistan nashrining ma'lum qilishicha, yaqin atrofdagi yana bitta konda o‘pirilish yuz bergan. OAV ma'lumotlariga ko‘ra, halokat gaz portlashi sababli yuz bergan. 

Ayni vaqtda yer ostida odamlar qolmoqda, ularni qutqarish bo‘yicha operatsiya olib borilmoqda. Voqea joyida mahalliy ma'muriyat vakillari ish olib bormoqda. Ular qutqaruv ishlarini boshqarishmoqda.

Rasmiy ma'lumotlarga ko‘ra, Pokistonda qo‘mir konlarining o‘pirilishi oqibatida har yili 100-200 kishi halok bo‘ladi.