Litva tashqi ishlar vaziri O‘zbekistonga kelmoqda

Foto: TIV axborot xizmati

2018 yilning 7 may kuni Litva Respublikasi tashqi ishlar vaziri Linas Antanas Linkyavichus boshchiligidagi delegatsiya Toshkentga tashrif buyuradi. Bu haqda TIV axborot xizmati xabar berdi.

Tashrif dasturidan O‘zbekiston Oliy Majlisi Qonunchilik palatasida, tashqi ishlar, tashqi savdo, qishloq xo‘jaligi vazirliklarida va Investitsiyalar bo‘yicha davlat qo‘mitasida uchrashuv va muzokaralar o‘tkazish hamda ikki mamlakat ishbilarmon doiralari vakillarining davra suhbatida ishtirok etish o‘rin olgan.