«Barselona»ning Primeradagi rekord seriyasi to‘xtadi

«Barselona» Ispaniya Primerasidagi o‘zining mag‘lubiyatsiz rekord seriyasini uzaytira olmadi. Jamoa 37-tur doirasida «Levante»ga mehmonda 4:5 hisobida yutqazib qo‘ydi.

Kataloniya klubi uchun bu mag‘lubiyat joriy mavsumdagi Ispaniya birinchiligida birinchisiga aylandi. Bundan avval Ernesto Valverde jamoasi 27 g‘alaba va 9 durangni qayd etgandi. Shuningdek, «Barsa» 2016/2017-yilgi mavsumda so‘nggi yettita o‘yinda mag‘lubiyatga uchramagan.

Ko‘k-anorranglilar joriy mavsumning so‘nggi turida o‘z maydonida «Real Sosedad»ni qabul qiladi. 20 mayga rejalashtirilgan bahs Toshkent vaqti bilan soat 23:45da boshlanadi.