Eron oliy yetakchisi uranni boyitishni ko‘paytirishni buyurdi

Eron oliy yetakchisi oyatulloh Ali Hameneiy Eron atom energiyasi tashkiloti zudlik bilan uranni 190 ming AIBgacha (izotoplarning ajralish bo‘yicha ish birligi, sentrifugalar kuchi ko‘rsatkichlaridan biri) boyitishni boshlashga ko‘rsatma berdi. Bu haqda Press TV telekanali ma'lum qildi.  

Oyatulloh Eron bir vaqtning o‘zida ham sanksiyalar, ham “yadroviy nazorat” ostida bo‘la olmasligini aytgan. Shu sababli u uranni boyitishga tayyorlanishni buyurgan.

2015 yil sentabrda Eron tashqi ishlar vaziri o‘rinbosari Abbos Araqchi Eron yaqin 15 yil ichida 6- va 8-avloddagi sentrifugalar yordamida 190 ming AIB olishi mumkinligini aytgandi.