Braziliyaning sobiq eng boy odami 30 yilga ozodlikdan mahrum etildi

Braziliyalik tadbirkor Eyke Batista korrupsiya va pul yuvishda ayblanib, 30 yillik qamoq jazosi oldi. 2012 yilda u 30 mlrd dollarlik boylik bilan Braziliyaning eng boy odami hisoblangan hamda dunyoning eng boy odamlari ro‘yxatiga kirgan.

Globo telekanalining ma'lum qilishicha, tergov 61 yoshli Batistani oltin konini sotib olish uchun Rio-de-Janeyro shtati gubernatoriga 16,5 mln dollar pora berganlikda aybdor deb topgan.

Tadbirkor suddan qochib AQShda yashirinib yurgan, biroq 2017 yil yanvarda Braziliyaga kelganda hibsga olingan.