Tailandda cho‘kkan kemaning 40 yo‘lovchisi jasadi topildi 

Tailandning Pxuket oroli yaqinida “Feniks” sayr kemasining halokatga uchrashi oqibatida kamida 40 kishi halok bo‘ldi. Bu haqda The Nation nashri ma'lum qildi. 

Yana 16 kishi bedarak yo‘qolgan hisoblanmoqda. Ta'kidlanishicha, ularning barchasi Xitoy fuqarolaridir. 49 kishini qutqarib olishga muvaffaq bo‘lingan. 

“Feniks” 5 iyulda shtorm vaqtida ag‘darilib, cho‘kib ketgan. Kema bortida 93 sayyoh, ekipajning 11 a'zosi va gid bo‘lgan. Sayyohlarning aksariyati xitoyliklar bo‘lgan.