Olovli tornadoning daryo sathida quyunga aylanishi videoga olindi

Arizona shtatida yashaydigan Kris Makkenzi va Enn Meki Kolorado daryosi bo‘ylab ketayotib g‘aroyib tabiat hodisasiga duch kelishdi. Ular daryoning narigi sohilida 374 gektar maydondagi butazorni o‘z domiga olgan yong‘inga guvoh bo‘lishdi.

Havoga ko‘tarilgan alangadan hosil bo‘lgan olovli tornado daryo tomon yaqinlashdi. Daryo sathiga yetib kelgan olov suvdan iborat quyunga aylandi.

2015 yilda Amerikaning The Weather Channel telekanali Jim Beam viskilari tayyorlanadigan fabrika yonidagi hovuz sathida paydo bo‘lgan va uch million litrga yaqin alkogolni yo‘q qilgan olovli tornado videosini internetga joylashtirgandi.