Xitoy rivojlanayotgan davlatlarni qo‘llab-quvvatlashda davom etishini ma'lum qildi

Xitoy qay darajada kuchayishidan qat'i nazar boshqa rivojlanayotgan davlatlarni qo‘llab-quvvatlashda davom etadi, dedi XXR raisi Si Tszinpin.

"Xitoy qay darajada kuchaymasin, biz rivojlanayotgan dunyo haqida unutmaymiz. Biz bundan buyon ham rivojlanayotgan boshqa davlatlarning taraqqiy etishini qo‘llab-quvvatlashda va sizlar bilan (Afrika mamlakatlari — tahr.) hamkorlik qilishda davom etamiz ", — dedi u BRIKS yetakchilari uchrashuvida.

U Xitoy umumiy o‘sish va rivojlanish yo‘lida rivojlanayotgan davlatlar bilan hamkorlik qilishini bildirdi.

XXR raisining qayd etishicha, Xitoy va Afrika mamlakatlari ahil birodar, hamkor va do‘stlardir.

"Hamkorlikdagi sa'y-harakatlarimiz tufayli Xitoy-Afrika umumiy strategik hamkorligi rivojlanishda davom etmoqda. Biz yuz millionlab insonlar manfaatlari yo‘lida qator sohalarni qamrab oladigan umumiy hamkorlikni tashkil etamiz", — deb qo‘shib qo‘ydi u.