Avstraliyadagi shaharni kenguru bosib ketdi

Guvohlar Avstraliya poytaxti Kanberra yaqinidagi shaharchada kengurular ko‘payib ketganini ma'lum qilishdi. Qishki qurg‘oqchilik paytida kengurular yemish izlab shahar ko‘chalariga chiqadi.

Piter Robinsonning yozishicha, u hovlisidagi o‘tlarni kemirayotgan kenguruni ko‘rib hayratga tushgan. Uning aytishicha, bunday holat ilk bor yuz bermoqda.

Mutaxassislar Avstraliyada iyundan avgustga qadar davom etadigan qish fasli kengurular uchun og‘ir fasl bo‘lishini, ular yemish topishga qiynalishini aytishmoqda. Bundan tashqari, 2018 yilgi sovuq tunlarda o‘tlar muzlab qolgan.

Ijtimoiy tarmoqlarda kengurular bilan tasodifiy uchrashuvlar muhrlangan suratlar chop etilmoqda.

Kenguru odamga duch kelganida o‘zini tajovuzkor tutishi ham mumkin, masalan 2013 yilda avstraliyaliklardan birining kenguru bilan uchrashuvi jarohat olish bilan yakunlangan.