Ispaniya sohillari yaqinida 1200 dan ko‘proq muhojir qutqarib olindi

Oxirgi bir necha kun ichida Ispaniya sohillari yaqinida 1200 dan ko‘proq muhojir qutqarib olindi. Bu haqda DW nashri ma'lum qildi.

Ta'kidlanishicha, 27 iyulda Alboran dengizi va O‘rta yer dengizining g‘arbidagi Gibraltar bo‘g‘ozida 888 kishi qutqarib qolingan. 28 iyulda Andalusiya viloyati sohillari yaqinida yana 330 dan ko‘proq muhojir qutqarilgan.

Ispaniya ichki ishlar vaziri Fernando Grande-Marlaska migratsiya muammosini hal qilishga chaqirmoqda. “Migratsiya muammosi – Yevropaning umumiy muammosidir va uni hal qilish uchun umumevropa yechimi lozim”, deb aytgan Grande-Marlaska. 

Xalqaro migratsiya tashkiloti ma'lumotlariga ko‘ra, 2018 yil boshidan Ispaniyaga deyarli 21 ming muhojir kelgan.