Apple mutlaq rekord o‘rnatdi – kompaniya narxi trillion dollarga yetdi

Amerikaning Apple korporatsiyasi narxi bir trillion dollarga yetdi. Bu Nasdaq savdolari ma'lumotida aks etdi.

MarketWatch’ning yozishicha, kompaniyaning bir dona aksiyasi qiymati rekord o‘rnatish uchun zarur bo‘lgan 207,04 dollarga yetdi. Shu tarzda Apple Xitoyning PetroChina neft-gaz kompaniyasi 2007 yil noyabrda o‘rnatgan rekordni takrorladi. O‘shanda Xitoy kompaniyasi neft narxlari tushib ketganligi bois o‘z mavqeini uzoq vaqt saqlab qololmagandi.

Apple — kapitalizatsiyasi bir trillion dollarga yetgan ilk AQSh kompaniyasi bo‘ldi.

Kompaniya narxi yarim yillik natijalari bo‘yicha muvaffaqiyatli hisobot tufayli o‘sdi – Apple  daromadi tahlilichilarning taxminlaridan ko‘ra ortiqroq bo‘ldi.