OAV: KXDR neft ta'minotida xorijiy kemalardan foydalanyapti

Shimoliy Koreya BMT Xavfsizlik kengashining sanksiyalarini chetlab, mamlakatda neft ta'minotini tashkil qilish uchun xorijiy kemalardan foydalanmoqda. Bu haqda NHK telekanali tashkilotning hisobotiga tayangan holda xabar beryapti.

Telekanal ma'lumotlariga ko‘ra, KXDR Sharqiy-Xitoy dengizida xorijiy kemalardan neftni quyish bilan shug‘ullanmoqda.

Ta'kidlanishicha, Shimoliy Koreya o‘z kemalaridan foydalanishdan tiyilib turibdi, sababi ular BMT sanksiyalar ro‘yxatiga kiritilgan.

Shuningdek, hujjatda qayd etilishicha, Shimoliy Koreya noqonuniy ravishda ko‘mirni ham eksport qilmoqda.

Avvalroq, Shimoliy Koreya yadro va raketa dasturlari ustida ishlashni davom ettirayotgani xabar berilgandi.