Buxoroda ikki qavatli bino avtomobillar ustiga qulashi oqibatida 3 kishi halok bo‘ldi
2 avgust kuni Buxoro viloyati hududida ikki qavatli bino qulab tushishi oqibatida 3 kishi halok bo‘lgan. Bu haqda ijtimoiy tarmoqdagi Bukhara Info sahifasida xabar qilingan.
Ma'lum bo‘lishicha, eski taxta zavod o‘rnidagi temir bozorida ikki qavatli bino qulagan va bino oldida turgan «Tiko» va «Matiz» avtomobillarini bosib tushgan.
Buxoro shahar IIB tomonidan aniqlik kiritilishicha, xususiy qurilish tashkiloti tomonidan savdo majmuasini qurish bo‘yicha olib borilayotgan ishlar tufayli qo‘shni ikki qavatli bino qulagan — ushbu hodisa ro‘y berishidan 2 kun avval chuqurligi 2,5 metr, o‘lchami 17 metrga 15 metr bo‘lgan kotlovan qazilgan edi.
Ayni vaqtda hodisa yuzasidan jinoyat ishi qo‘zg‘atilgan va tekshiruv ishlari olib borilmoqda.
Mavzuga oid
07:50 / 21.09.2024
O‘zbekistonda 263 dona qadimiy tangani Turkiyaga yashirincha olib ketayotgan shaxs ushlandi
21:59 / 13.09.2024
Rossiyada o‘zbekistonlik ishchi 26-qavatdan qulab, halok bo‘ldi
13:54 / 10.09.2024
2025 yil sentabr oyida Buxoro biyennalesi tashkil etiladi
20:34 / 31.08.2024