Qozog‘iston va O‘zbekiston chegarasida yuzlab yuk mashinalari to‘planib turibdi

Qozog‘iston va O‘zbekiston chegarasidagi «B.Konisbayev» o‘tkazuv punktining Qozog‘iston tomonida yuk avtomobillaridan iborat ulkan navbat yuzaga keldi, deb xabar berdi Sputnik Qozog‘iston.

So‘nggi ma'lumotlarga qaraganda, bu yerda 150-200ta fura yig‘ilib qolgan, deb ma'lum qildi Turkiston viloyati davlat daromadlari departamenti.

Departamentning bildirishicha, bunday tiqilinchlar bahordan buyon davom etib kelmoqda.

«Avtotransportlarning to‘planib qolishiga sabab - uchinchi davlatlardan O‘zbekiston yo‘nalishida yuk kelishining sezilarli ravishda ko‘paygani. Tiqilinch sabablaridan yana biri barcha transport vositalarining o‘zbek bojxonachilari tomonidan mobil nazorat-tekshiruv majmuasi orqali to‘liq skanerdan o‘tkazilishidir», - deyiladi xabarda.

Haydovchilarning so‘zlariga ko‘ra, ularni faqat kechasi — faqat bir kilometrdan (shuncha masofada turgan mashinalarni) chegaradan o‘tkazishyapti. Hozirgi vaqtda tirbandlikning uzunligi 7 kilometrga yetgan. Yuk mashinalari O‘zbekiston hududiga kirish uchun 2 kundan 6 kungacha vaqt o‘tkazmoqda.

Tirbandlikda qolgan «fura»larning aksariyati — Xitoydan saqlash muddati nisbatan uzoq bo‘lgan yoki asbob-uskuna olib kelayotgan mashinalardir. Ayni vaqtda, tez buziladigan mahsulot olib kelayotgan haydovchilarga jabr bo‘lgan — ular mahsulotlarini bir xil haroratda saqlab turish uchun mashina motorini muntazam yurgizib qo‘yishga majbur bo‘lmoqda.

{Yii::t(}

O'tkazib yuborish 6s

O'tkazib yuborish