Қозоғистон ва Ўзбекистон чегарасида юзлаб юк машиналари тўпланиб турибди

Қозоғистон ва Ўзбекистон чегарасидаги «Б.Конисбаев» ўтказув пунктининг Қозоғистон томонида юк автомобилларидан иборат улкан навбат юзага келди, деб хабар берди Sputnik Қозоғистон.

Сўнгги маълумотларга қараганда, бу ерда 150-200та фура йиғилиб қолган, деб маълум қилди Туркистон вилояти давлат даромадлари департаменти.

Департаментнинг билдиришича, бундай тиқилинчлар баҳордан буён давом этиб келмоқда.

«Автотранспортларнинг тўпланиб қолишига сабаб - учинчи давлатлардан Ўзбекистон йўналишида юк келишининг сезиларли равишда кўпайгани. Тиқилинч сабабларидан яна бири барча транспорт воситаларининг ўзбек божхоначилари томонидан мобиль назорат-текширув мажмуаси орқали тўлиқ сканердан ўтказилишидир», - дейилади хабарда.

Ҳайдовчиларнинг сўзларига кўра, уларни фақат кечаси — фақат бир километрдан (шунча масофада турган машиналарни) чегарадан ўтказишяпти. Ҳозирги вақтда тирбандликнинг узунлиги 7 километрга етган. Юк машиналари Ўзбекистон ҳудудига кириш учун 2 кундан 6 кунгача вақт ўтказмоқда.

Тирбандликда қолган «фура»ларнинг аксарияти — Хитойдан сақлаш муддати нисбатан узоқ бўлган ёки асбоб-ускуна олиб келаётган машиналардир. Айни вақтда, тез бузиладиган маҳсулот олиб келаётган ҳайдовчиларга жабр бўлган — улар маҳсулотларини бир хил ҳароратда сақлаб туриш учун машина моторини мунтазам юргизиб қўйишга мажбур бўлмоқда.

{Yii::t(}

Ўтказиб юбориш 6s

Ўтказиб юбориш