Mali prezidenti o‘z lavozimiga qayta saylandi

Mali prezidenti Ibrohim Boubakar Keyta raqibi Soumali Sisse ustidan 67% ovoz bilan ustun keldi. Bu haqida Hududiy ma'muriyat vazirligi xabar berdi.

Keyta ikkinchi besh yillik muddatga saylandi. Davlat rahbarining birinchi galdagi vazifasi mamlakatning markaziy va shimoliy hududlaridagi etnik guruhlar isyonini to‘xtatishdir. 

Jangarilar tomonidan 500ga yaqin saylov uchastkasiga hujum uyushtirilgan. Tumbuktu viloyatining Niafanke shahrida saylov vakili o‘ldirildi. 

Raqib Sisse Keytani saylov komissiyasi faoliyatiga aralashganlik va saylov byulletenlarini soxtalashtirganlikda aybladi. Keyta esa bularning barchasini rad etdi. 

Saylov natijalari ko‘pchilikni norozi qilayotganligiga qaramasdan, Bamako va boshqa asosiy shaharlar ko‘chalarida namoyishlar uyushtirilmadi.