Messi qachongacha futbol o‘ynamoqchi ekanini aytdi

«Barselona» hujumchisi Lionel Messi kelajak rejalari haqida gapirib berdi.

«40 yoshgacha futbol o‘ynashimni osonlikcha tasavvur qilyapman. Faoliyatimni tugatgach, nima bilan shug‘ullanishim haqida hozircha o‘ylamadim. Hozir faqat «Barselona» tarkibidagi ishtirokim haqida o‘ylayapman. Vaqti kelganida, keyingi faoliyatim haqida bir qarorga kelaman.

Rejam – Barselona shahrida qolish. Farzandlarim mahalliy maktabda ta'lim olmoqda, u yerda do‘stlar orttirishgan. Mana shu haqda ko‘proq o‘ylamoqdaman», — deb Messi so‘zlarini keltirmoqda Marca.