Yaponiya kosmik kemasi Xalqaro koinot stansiyasi bilan tutashdi

Yaponiyaning “Konotori-7” fazogirsiz yuk kemasi Xalqaro koinot stansiyasiga muvaffaqiyatli ravishda tutashdi.

Yuk kemani orbitaga Kagosima prefekturasidagi kosmodromdan H-2B raketasi olib chiqqan. Raketa uchirilishi texnik muammo va ob-havo sharoitlari tufayli bir necha bor qoldirilib kelinayotgandi.

“Konotori-7” XKSga 6 tonna turli yuk yetkazgan. Ular orasida yangi batareyalar, “kosmik lift” ishini namoyish qilish uchun mo‘ljallangan Stars-me mikroyo‘ldoshlari bor.