AQSh Suriyaga qarshi sanksiyalar joriy etishga tayyor

AQShning Suriya bo‘yicha maxsus vakili Jyeyms Jyeffri so‘zlariga ko‘ra, Vashington Suriya Arab Respublikasiga nisbatan «qattiq» sanksiyalar joriy etishga tayyor turibdi. Bu agarda ushbu mamlakat hukumati yangi konstitutsiyani yaratish bo‘yicha loyiha ustida ishlashdan voz kechgan taqdirda, ro‘y beradi. Bu haqda Reuters xabar qilmoqda.

Uning so‘zlariga ko‘ra, Qo‘shma Shtatlar BMT Xavfsizlik kengashini chetlab o‘tgan holda ushbu sanksiyalarni joriy qilishga tayyor.

Shuningdek, uning qo‘shimcha qilishicha, Vashington Osiyo va Yevroittifoqdagi o‘z ittifoqchilar yordamida ham Suriya Arab Respublikasiga nisbatan sanksiyalar qo‘llashi mumkin.

Jyeffrining ta'kidlashicha, AQSh Suriya hukumati «juda qiyin holatga tushib qolishini» xohlaydi.

Eslatib o‘tamiz, avvalroq yetti davlat BMTga Suriya bo‘yicha chaqiriq bilan chiqqandi.

AQSh boshchiligida, yettita davlat TIV rahbarlari BMT bosh kotibining Suriya bo‘yicha maxsus vakili Staffan de Misturani tez vaqt ichida Suriya konstitutsiyasini ishlab chiqish borasida qo‘mita yig‘ilishini tashkil etish masalasiga oid chaqiriq bilan chiqishdi.