Somalida jangarilar uch amerikalik va bir britaniyalikni qatl etishdi

Somalida faoliyat yurituvchi «ash-Shabob» radikal guruhi josuslik bilan shug‘ullangan uch nafar amerikalik va bir nafar britaniyalikni qatl etgani haqida ma'lum qildi. Bu haqda Daily Mail xabar bermoqda.

Qatl etish Markaziy Jubba provinsiyasidagi Jilib shahrida joylashgan maydonda amalga oshirilgan. Bu haqda «ash-Shabob» o‘zi tomonidan nazorat qilinuvchi radiostansiya efirida xabar berdi.

Mahalliy aholi xabarlariga qaraganda, chet elliklarni ustunlarga bog‘lab qo‘yishgan va hukmni e'lon qilib, otib tashlashgan.

«Ash-Shabob» «Al-Qoida» xalqaro terrorchilik tashkilotining qanoti hisoblanadi. Somali va undan tashqarida harakat qiladi. 2014 yilda «ash-Shabob» jangarilari o‘z nazoratidagi hududlarning aksariyat qismini yo‘qotdilar, ammo teraktlar sodir etishni davom ettirdilar.