Polsha sobiq vaziri: Germaniya va Rossiya bo‘ynimizga sirtmoq tashlamoqchi
Polsha Mudofaa vazirligi sobiq rahbari Antoni Macherevichning ma'lum qilishicha, Rossiya va Germaniya o‘rtasida «Shimoliy oqim - 2» gaz quvuri bo‘yicha hamkorlik Polsha hamda Markaziy Yevropaga salbiy ta'sir ko‘rsatishi mumkin. U bu haqda TVP1 telekanaliga bergan intervyusida aytib o‘tdi.
Macherevichning fikriga ko‘ra, agar Rossiya va Germaniya ikkinchi «Shimoliy oqim» qurilishida hamkorlik qilishni davom ettirsa, unda Polsha Amerika Qo‘shma Shtatlari bilan ittifoqchilikka e'tibor qaratishi lozim bo‘ladi.
«Germaniya Rossiya bilan ittifoqchilik siyosatini olib bormoqda va ular birgalikda «Shimoliy oqim» yordamida bo‘ynimizga sirtmoq ilmoqchi. Ular ham Polshani, ham Markaziy Yevropani bo‘g‘ib tashlashni istayaptilar», - dedi Macherevich.
Uning ta'kidlashicha, gaz quvuri Polshani Rossiya va Germaniyaning siyosiy hamda iqtisodiy qudratiga «abadiy» qaram qilib qo‘yadi. Shu bilan birga, Macherevichning eslatishicha, Qo‘shma Shtatlar «Shimoliy oqim - 2» qurilishiga qarshi va AQSh mamlakat hududida o‘z harbiy bazalarini joylashtirishiga umid bildirdi.
Eslatib o‘tamiz, avvalroq Gretsiya ham AQShga harbiy bazalar bo‘yicha taklif bilan chiqqandi.
Mavzuga oid
22:57 / 24.09.2024
Apple App Store do‘konidan 100 ga yaqin VPN-ilovani o‘chirib tashladi
21:24 / 24.09.2024
Rossiya xavfsizlik kuchlari Ukrainaga qarshi urushdan bosh tortgan harbiyni Qozog‘istondan o‘g‘irlab ketdi
16:32 / 24.09.2024
Tver oblastidagi qurol omborlarining ukrain dronlari hujumidan keyingi ko‘rinishi e’lon qilindi
15:30 / 24.09.2024