Qozog‘istonning O‘zbekistondagi elchisi o‘z lavozimidan vaqtinchalik chetlatildi

Foto: nuz.uz

Qozog‘iston prezidenti Nursulton Nazarboyev Qozog‘istonning O‘zbekistondagi elchisi Yerik Utembayevni vaqtinchalik lavozimidan chetlatdi. Bu haqda Oqo‘rda matbuot xizmatiga iqtibos keltirgan holda Tengrinews.kz nashri ma'lum qildi.

Utembayev Qozog‘istonning O‘zbekistondagi elchisi etib 2016 yil martida tayinlangan.

Avvalroq Qozog‘istonning davlat xizmati va korrupsiyaga qarshi kurash ishlari agentligi Utembayev juda katta miqdorda byudjyet mablag‘larini o‘g‘irlashda gumon qilinayotganini ma'lum qilgan.