«O‘rgimchak-odam» yaratuvchisi Sten Li vafot etdi

O‘rgimchak-odam, Xalk va Iks odamlar to‘g‘risida komikslar yaratgan amerikalik yozuvchi Sten Li 96 yoshida vafot etdi. Bu haqda TMZ nashri Lining qiziga asosan xabar bermoqda.

Yozuvchi Los-Anjyelesdagi tibbiy markazda vafot etgan. Nashr ma'lumotlariga ko‘ra, Li bir necha yillar davomida og‘ir kasalliklardan aziyat chekkan, jumladan, pnevmoniya va ko‘rish bilan bog‘liq muammolarga duch kelgan.

Sten Li amerikalik yozuvchi, muharrir va ko‘plab komikslar yaratuvchisi bo‘lgan. U O‘rgimchak-odam, doktor Strenj, Xalk, Temir odam va boshqa mashhur qahramonlarni yaratdi.

1994 yildan 2018 yilgacha yozuvchi Marvel studiyasi filmlarida rollar ijro etgan. Bundan tashqari, u «Kapitan Amerika», «Iks odamlar», «O‘rgimchak odam» va boshqa ko‘plab filmlar prodyuseriga aylandi.