Afrikaning eng yaxshi futbolchisi bo‘lish uchun nomzodlar e'lon qilindi

Afrika futbol konfederatsiyasi (CAF) 2018 yil yakuniga ko‘ra qit'aning eng yaxshi futbolchisi bo‘lish uchun nomzodlarni e'lon qildi.

Ro‘yxatga Muhammad Saloh (Misr, «Liverpul»), Riyoz Mahrez (Jazoir, «Manchester Siti»), Sadio Mane (Senegal, «Liverpul»), Axmad Musa (Nigeriya, «An-Nasr»), Aleks Ayuobi (Nigeriya, «Arsenal»), Xakim Ziyosh (Marokash, «Ayaks»), Kalidu Kulibali (Senegal, «Napoli»), Maxdiy Benatia (Marokash, «Yuventus»), Per-Emerik Obameyang (Gabon, «Arsenal»), Nabi Keyta (Gvineya, «Liverpul»), Yasin Braimi (Jazoir, «Portu») kiritildi.

G‘olib nomi 2019 yil 8 yanvar kuni Senegal poytaxti Dakar shahrida o‘tkaziladigan tadbirda e'lon qilinadi.

Eslatib o‘tamiz, o‘tgan yili sovrinni Muhammad Saloh qo‘lga kiritgan edi.