AQShda o‘qotar jarohatlardan halok bo‘lganlar soni 50 yillik maksimumga yetdi

AQShda 2017 yilda o‘qotar quroldan halok bo‘lganlar soni oxirgi 50 yildagi rekord darajada bo‘ldi. Bu haqda New York Times nashri ma'lum qildi. 

2017 yilda o‘qotar quroldan halok bo‘lganlar 39773 kishini, ya'ni har 100 ming kishiga 12 kishini tashkil qilgan. 2016 yilga nisbatan bu ko‘rsatkich mingdan ko‘proq kishiga oshgan.

Bu raqam uchinchi yil oshib bormoqda. Ta'kidlanishicha, bungacha ushbu ko‘rsatkich 2000-yillar davomida va joriy o‘n yillik boshida barqaror bo‘lib kelgan.