Nissan sobiq rahbari yana hibsga olindi

Yaponiya prokuraturasi Nissan sobiq rahbari Karlos Gonni takroran hibsga oldi, deb xabar bermoqda Reuters.

Agentlik ma'lumotlariga ko‘ra, Gon og‘irlashtiradigan holatlarda ishonchni buzgani uchun hibsga olingan, shu tariqa, u yana 10 kun qamoqda saqlanishi mumkin.

Avvalroq, Tokio sudi Gonni hibsga olish muddatini uzaytirmaslik to‘g‘risidagi qarorni o‘zgartirishsiz qoldirgani xabar berilgandi.

Nissan kompaniyasi Karlos Gonni direktorlar kengashining raisi, shuningdek, direktor-vakil lavozimidan olib tashladi. Bu qaror Gon moliyaviy nayranglarda gumonlanib hibsga olinishi fonida qabul qilindi. Tergovga ko‘ra, top-menejyer deklaratsiyalarda soliq to‘lashdan bo‘yin tovlash maqsadida o‘z ish haqi miqdorini ataylab kamaytirib ko‘rsatgan. 

Keyinchalik, 10 dekabr kuni, u o‘sha ayblov bo‘yicha takroran hibs qilindi.

Eslatib o‘tamiz, bundan avval Nissan sobiq rahbariga ayblov qo‘yilgandi.