Poroshenkoning “mast holda” tushgan suratiga izoh berildi
Ukrainalik jurnalist Yuriy Butusov Facebook’da Ukraina prezidenti Pyotr Poroshenko 2015 yildagi harbiy tadbirdan olingan suratda “mast hol”da ko‘ringaniga tushuntirish berdi.
“Poroshenkoning yuzi boshqa sababga ko‘ra qizil bo‘lgan. Telejurnalistlar buni ko‘rishmagan, chunki ularni otish mashqlari o‘tkazilgan maydonchaga kiritishmagan”, deb yozgan Butusov.
Uning aytishicha, u kamerasiz bo‘lgani sabab poligonga kira olgan. Jurnalistning ma'lum qilishicha, o‘sha kuni Poroshenkoga snayper miltig‘i namoyish qilingan va undan otib ko‘rish taklif qilingan. Biroq prezident miltiq otish vaqtida orqaga qattiq urishidan ogohlantirilmagan. Oqibatda Ukraina rahbari “optik nishonga olgichga ko‘zini qo‘yib turib o‘q uzganda ko‘zidan qattiq zarba olgan”.
Shunga qaramay, Poroshenko shikastlangan yuzini boshiga kepka kiyib berkitib, matbuot vakillari bilan uchrashishga rozi bo‘lgan.
Mavzuga oid
11:40
Germaniya Ukraina harbiylarining davolanishi uchun yana 50 mln yevro ajratadi
20:06 / 18.09.2024
Dronlar Tver oblastiga hujum qildi. U yerda raketa arsenali joylashgan
12:40 / 18.09.2024
Germaniya Ukrainaga qishki yordam uchun 100 mln yevro ajratadi
12:20 / 18.09.2024