Oyda o‘sib chiqqan ilk o‘simlik nobud bo‘ldi

Oyning orqa tomoniga qo‘ngan, Xitoyning “Chan'e 4” zondi bortida nish urib chiqqan paxta kurtagi nobud bo‘ldi. Bu haqda “Sinxua” axborot agentligi xabar berdi.  

Olimlarning ta'kidlashicha, ular Lunar Micro Ecosystem mini-biosferasi bilan uzoq tajriba o‘tkazishni rejalashtirishmagandi. Kurtakning nobud bo‘lishiga harorat 170 daraja sovuqqacha tushib ketadigan Oy tuni sabab bo‘lgan. 

Oyga paxta urug‘idan tashqari, raps, kartoshka va moyli o‘simliklar urug‘lari yetkazilgandi, biroq ularning birortasi nish urmagan.