O‘rtoqlik uchrashuvlari. Germaniya Serbiya bilan durang o‘ynadi, Iroq Suriyani yengdi

Kecha, 20 mart kunidan FIFA kunlari doirasidagi xalqaro o‘rtoqlik uchrashuvlari boshlandi.

Bahslarni dastlab Osiyo terma jamoalari boshlab berdi. Ummon termasi Afg‘oniston darvozasiga javobsiz beshta to‘p kiritdi. Shundan so‘ng qo‘shni davlatlar o‘rtasidagi bahslarda Singapur Malayziyani, Iroq Suriyani 1:0 hisobida mag‘lub etdi.

Yevropada esa Germaniya terma jamoasi o‘z maydonida Serbiya bilan durang o‘ynadi – 1:1. Luka Yovichning 12-daqiqadagi goliga nemislardan Leon Goretska 69-daqiqada javob qaytardi. Uels esa Trinidad va Tobagoni qabul qilib, 90+2-daqiqada Ben Vudbern tomonidan urilgan gol evaziga g‘alaba qozondi.

O‘rtoqlik uchrashuvlari
20 mart
Ummon – Afg‘oniston 5:0 (3:0)
Gollar: Ahmad Kano (9), Rayed Solih (26), Muhammad Al-Balushi (45+2), Abdul Al-Muqbali (49), Muslim Akaak (90+3)

Malayziya – Singapur 0:1 (0:0)
Gol: Faris Ramli (82)

Iroq – Suriya 1:0 (0:0)
Gol: Justin Meram (76)

Uels – Trinidad va Tobago 1:0 (0:0)
Gol: Ben Vudbern (90+2)

Germaniya – Serbiya 1:1 (0:1, 1:0)
Gollar: 0:1 – 12 Yovich, 1:1 – 69 Goretska.
Germaniya – Noyyer (ter Stegen, 46), Klostermann (Kerer, 90), Ta, Zyule, Kimmix, Brandt (Goretska, 56), Gundo‘g‘an, Sane (Shuls, 90), Xaverts (Roys, 46), Xalstenberg, Verner.
Serbiya – Dmitrovich, Milenkovich, Bogosovats (Mitrovich, 80), Rukavina, Spayich, Maksimovich (Yovichich, 88), Gachinovich (Radonich, 62), Lazovich (Jivkovich, 79), Milinkovich-Savich (Lukich, 62), Lyayich, Yovich (Pavkov, 71).
Chetlatish: Pavkov (90+3).

21 mart
16:35. Xitoy – Tailand
23:00. Kosovo – Daniya
05:00. AQSh – Ekvador

22 mart
15:20. Yaponiya – Kolumbiya
16:00. Janubiy Koreya – Boliviya
16:35. O‘zbekiston – Urugvay