Rossiyadan haydab qochilgan mashina «Navoiy» bojxona postida to‘xtatib qolindi

2019 yil 17 mart kuni Davlat bojxona qo‘mitasidan tushgan hujjatlarga ko‘ra, 28 fevral kuni “Navoiy” chegara bojxona postida bojxona xodimlari tomonidan o‘tkazilgan tezkor tadbir davomida Rossiya Federatsiyasi fuqarosi T.M. boshqaruvidagi «Toyota Camry» rusumli avtomashina to‘xtatilgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, uning hujjatlari tekshirilganida ushbu avtomashina Rossiya Federatsiyasidan olib qochilganligi aniqlangan va haydovchi qo‘lga olingan.

Holat yuzasidan Davlat bojxona qo‘mitasi tomonidan jinoyat ishi qo‘zg‘atilib, Rossiya Federatsiyasining Ichki ishlar vazirligiga xabar berilgan. 

Hozirda tergov harakatlari olib borilmoqda, deyiladi xabarda.