Fotoreportaj: Andijonda piyoda yurish marafonida 40 ming kishi qatnashdi

7 aprel kuni Andijon shahrida Butunjahon Salomatlik kuni munosabati bilan piyoda yurish marafoni o‘tkazildi. Kun.uz muxbiri xabar qilishicha, marafonda qariyb 40 ming kishi ishtirok etgan.

Turli tashkilot va muassasalarda faoliyat yurituvchi xodimlar hamda boshqa ko‘ngilli kishilar tongda shaharning Amir Temur va Sharof Rashidov ko‘chalari kesishmasiga to‘planishgach, viloyat hokimi Shuhratbek Abdurahmonov piyoda yurish marafoniga start bergan. 

Shundan so‘ng sport libosidagi sog‘lom turmush tarzi tarafdorlari shaharning Alisher Navoiy ko‘chasi bo‘ylab 10 kilometrlik yo‘lni piyoda bosib o‘tishgan va Eski shahardagi Registon maydoniga kelishgan.

Tarixiy majmuada tibbiyot muassasalari tomonidan salomatlikni targ‘ib qiluvchi tadbirlar, sportchi yoshlar tomonidan ko‘rgazmali chiqishlar namoyish qilingan.