Superliga. «Navbahor» ilk g‘alabasini qo‘lga kiritdi

Superligada 4-turdan o‘rin olgan bir o‘yin yakunlandi. 

«Nasaf» o‘z maydonida «Navbahor» bilan bellashdi va 0:1 hisobida yutqazdi. Yagona gol 31-daqiqada Aleksandr Kasyan tomonidan urildi. Bu Namangan klubining mavsumdagi 1-g‘alabasi bo‘ldi.

Bu natijadan so‘ng, har ikkala jamoa hisobida 4 ochko bor. To‘plar nisbatiga ko‘ra «Nasaf» 7-o‘rinda, «Navbahor» 9-o‘rinda boryapti.

Superliga, 4-tur
12 aprel, Qarshi, «Nasaf» stadioni 
Nasaf (Qarshi) – Navbahor (Namangan) 0:1
Gol: Aleksandr Kasyan (31)