Maishiy texnika vositalarining noqonuniy aylanmasi fosh etildi

Bojxona organlari tomonidan maishiy texnika vositalarini noqonuniy aylanmasiga o‘z vaqtida chek qo‘yilmoqda.

Xususan, Farg‘ona viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi xodimlari hamda boshqa huquqni muhofaza qiluvchi organ vakillari bilan hamkorlikda Qo‘shtepa tumanida tezkor tadbir o‘tkazildi.

Tadbirda, “Farg‘ona-Toshkent” yo‘nalishida harakatlanayotgan fuqaro A.T boshqaruvidagi “KIA BONGO III” rusumli yuk avtomashinasi to‘xtatilib ko‘zdan kechirildi. Natijada, avtomashina yukxonasida muqaddam qo‘shni mamlakatdan respublikamizga noqonuniy olib kirilgan, xorijda ishlab chiqarilgan, tegishli hujjatlari bo‘lmagan, qiymati 146 million so‘mlik

69 dona turli o‘lchamdagi televizorlar borligi aniqlandi.

Hozirda mazkur holat yuzasidan bojxona tekshiruvlari davom ettirilmoqda.